TIL þín, sem ert að hugsa um að flytja af landi brott eða jafnvel fluttur nú þegar???

 

Ég skrifa þetta til ykkar allra sem eruð að hugsa um að fytja af landi brott!!!

Ef þú ert að hugsa um að flytja frá Íslandi ættir Þú kannski að hafa samband við Lífeyrissjóðinn þinn og athuga hvort flutningurinn hefur einhver áhfrif á  lífeyrisrétt þinn ef þú skyldir nú verða svo óheppinn að slasast eða veikjast og þá allveg sérstaklega ef þú ert með ung börn á framfæri. 

Það eru fæstir sem hafa af því áhyggjur fyrr en það er of seint. Svoleiðis er, að ef þú slasast á Íslandi áttu  svokallaðan uppreiknirétt sem er þess eðlis að auk þess að fá lífeyrisbætur skv. stigagjöf  færðu uppreiknaðan rétt þinn svoleiðis að greiddar bætur eru þær sömu og ef þú hefðir greitt í sjóðinn til "67" ára aldurs eða fram að þeim tíma sem þú ættir rétt á greiðslu ellilífeyris.

 Það er þó með þeim fyrirvara að þú hafir greitt í sjóðinn amk. 3 ár og að þú hafir greitt í sjóðinn í amk. 6 mánuði af 12 mánuðum fyrir slysið/veikindin, sem þýðir í raun að eftir aðeins 1 árs búsetu erlendis ert þú búinn að missa stærsta hluta lífeyrisréttinda þinna og ekki búinn að ná upp neinum lífeyrisréttindum, sem nemur, í því landi sem þú flytur til, þar sem þú byrjar í raun á NÚLL púnkti þar.

 Þennan ( 6-12 mánaða) fyrirvara mega sjóðirnir ekki hafa skv. EES samningi um frjálsa fólksflutninga, en það skíta þeir á og hef ég nú á þrettánda ár barist fyri því að fá þennan rétt, en ég slasaðist tæpu ári eftir að ég flutti til Danmerkur og hafði þar af leiðandi ekki áunnið mér neinn rétt þar.

 Samningur þessi var birtur í C tíðindum stjórnartíðinda árið 1993/4 þegar EES samningurinn gekk í gildi en skv. áliti umboðsmanns var þetta ekki birt með nógu skýrum hætti og var úr því bætt í 2001.

 Þ.e.a.s. Íslensku Lífeyrissjóðirnir hafa svo sannarlega vitað af þessum samningi frá þeim tíma en starfa þó áfram  á gömlu nótunum þ.e.a.s. þú færð ekki framreikniréttinn ef þú flytur af landi brott, en þeir vara þig ekki við þessum mikla réttindamissi og þú færð ekkert um það að vita fyrr en skaðinn er skeður og þá er það of seint!!!!

 Það hefur verið sótt eftir EFTA áliti og segir þar skýrum stöfum að þessi fyrirvari hjá íslensku lífeyrissjóðunum hindri frjálsa fólksflutninga á milli landa og stangist þar með á lög sem kveða á um að það megi ekki.

Ég bíð nú eftir dómi hæstaréttar sem ég geri ráð fyrir að verði kveðinn upp í haust eða snemma á næsta ári. 

Láttu þetta endilega fréttast til allra þeirra sem þú veist að eru að flytja af landi brott eða eru nú þegar fluttir.